Polşa və Baltikyanı ölkələr Rusiyaya xəbərdarlıq edib

Polşa və Baltikyanı ölkələrin hərbçiləri Rusiyanın mümkün işğalına hərbi cavabı müzakirə ediblər. Onlar hesab edirlər ki, Ukrayna müharibəsindən sonra Rusiya öz “imperialist ekspansionizmini” Estoniya, Latviya, Litva və Polşaya yönəldə bilər.

 

Oxu24.com xəbər verir   ki, Bild yazır ki, bunu Litva prezidentinin milli təhlükəsizlik üzrə müşaviri Kestutis Budris Baltikyanı ölkələrin müdafiəsi konfransında deyib.

Budris hesab edir ki, Belarus tam şəkildə İttifaq dövlətinin bir hissəsi olarsa, belə ssenarinin baş vermə ehtimalı artacaq.

Polşa Baş Qərargah rəisi Raymund Andjeyçak da eyni fikirdədir. “Ukrayna bizə bir neçə il verir. Rusiya Ukraynada qalib gəlsə, Lvovda bir, Brestdə və Qrodnoda bir Rusiya divizionumuz olacaq”.

Polşalı hərbçi iddia edir ki, Rusiya qoşunları Litva ilə sərhədi keçərsə, “dərhal cavab” olacaq: “Birinci gün yox, ilk dəqiqədə. Biz 300 kilometr radiusda bütün strateji hədəfləri vuracağıq. Biz birbaşa Sankt-Peterburqa hücum edəcəyik”.

Andjeyçak həmçinin qeyd edib ki, Polşaya və ya Baltikyanı ölkələrə hücum hərtərəfli qarşıdurmanın başlanğıcı olacaq. Belə bir ssenarinin baş verəcəyi təqdirdə, Polşa hazırda 900 kilometrə qədər uçuş məsafəsi olan 800 raket alır.

 

Nigar