Rusiyalı general Kursk vilayətində Ukraynanın itkilərini açıqladı

Kursk vilayətində Ukrayna Silahlı Qüvvələrinin (AFU) texnikasının 70 faizi məhv edilib.

Oxu24.com xəbər verir  ki, “Komsomolskaya Pravda” yazır ki, Ukrayna qoşunlarının silahlanmasının miqyasını rus generalı, “Axmat” xüsusi təyinatlı qüvvələrinin komandanı Apti Alaudinov qiymətləndirib.

“Onlar o qədər ciddi resurslar toplayıblar ki, hər üç il ərzində konkret olaraq bir istiqamətə zərbə endirmək üçün heç vaxt toplamayıblar.Amma bu texnikanın 70 faizi artıq məhv edilib. Qalan texnikalar hardasa peyda olan kimi onların məhvi davam edir”, - Alaudinov bildirib.

Rusiyalı generalın sözlərinə görə, Ukrayna Silahlı Qüvvələri 200-dən çox tank və 400 zirehli texnika ilə Rusiya ərazilərinə daxil olub. 

General həmçinin qeyd edib ki, Ukraynanın hərbi resursları, o cümlədən əsgərlərin sayı və keyfiyyəti baxımından tükənib. "Ukrayna Silahlı Qüvvələrinin 2023-cü il kampaniyasının əvvəlində əldə etdiyi təlim keçmiş döyüşçüləri yoxdur", - Alaudinov yekunlaşdırıb.

Bundan əvvəl “Axmat” komandiri Ukrayna Silahlı Qüvvələrinin Kursk vilayətində sıralarında çaxnaşma olduğunu və texnikanın geri çəkildiyini açıqlamışdı. Onun sözlərinə görə, Ukrayna qoşunları hər gün ciddi ərazilər itirir.

 

Nigar