Qaynar xətt:

(+99450) 247 90 86

Avropa İttifaqı Rusiyaya qarşı yeni sanksiyaları müzakirə edəcək

Avropa İttifaqı Rusiyaya qarşı yeni sanksiyaları müzakirə edəcək

DÜNYA

212

11.10.2024, 17:24

Google
Xəbərlərimizi Google-da izləyin
Yeniliklərdən dərhal xəbərdar olun
Abunə ol

Avropa İttifaqına (Aİ) üzv ölkələr oktyabrın 14-də Lüksemburqda keçiriləcək iclasda yeni sanksiyalar rejimi çərçivəsində Rusiyaya qarşı yeni məhdudiyyətləri müzakirə edəcəklər.

 

Oxu24.com xəbər verir  ki, bu barədə TASS mənbələrə istinadən məlumat yayıb.

 

“Aİ-nin 27 ölkəsinin xarici işlər nazirləri yeni qəbul edilmiş sanksiya mexanizmi çərçivəsində Rusiyaya qarşı yeni sanksiyalara dair fikir mübadiləsi aparacaqlar”, - deyə  agentlik yazır.

Avropa rəsmisinin sözlərinə görə, icma nümayəndələrinin yeni mexanizm çərçivəsində onlara qarşı məhdudiyyətlərin tətbiq ediləcəyi fiziki və hüquqi şəxslərin siyahısını təklif edəcəkləri gözlənilir.

Aİ Şurası oktyabrın 8-də yeni sanksiyalar rejimini təsdiqləyib. Məhdudlaşdırıcı tədbirlərin sərtləşdirilməsi “Aİ və onun üzv dövlətlərinin fundamental dəyərlərinə, onların təhlükəsizliyinə, müstəqilliyinə və bütövlüyünə xələl gətirən” fiziki və hüquqi şəxslərə təsir edəcək, həmçinin bütövlükdə dünya ictimaiyyəti üçün təhlükə yaradacaq.

Onun qəbuluna cavab olaraq Rusiya Xarici İşlər Nazirliyinin sözçüsü Mariya Zaxarova bildirib ki, yeni sanksiyalar rejimi “sabitliyi pozan” təsirlərə malikdir və beynəlxalq hüquq baxımından qeyri-legitimdir. Onun sözlərinə görə, bu həm də “Brüsselin müstəqilliyinin olmamasından” danışır.

 

Nigar