Hizbullahın kəşfiyyat rəhbəri Vafik Səfa cümə axşamı Beyrutun mərkəzində İsrail hava hücumu nəticəsində yaralanaraq xəstəxanaya yerləşdirilib.

Oxu24.com xəbər verir   ki, bu barədə “Sky News Arabia” məlumat yayıb.

Telekanalın istinad etdiyi tibbi mənbələrə görə, xüsusi xidmət rəisi “ağır yaralanıb və vəziyyəti ağırdır”.

Səfa sentyabrın 27-də öldürülən Hizbullahın baş katibi Həsən Nəsrullahın kürəkəni olub və Livan daxilində və xaricində mühüm vasitəçilik missiyaları həyata keçirib. 2019-cu ildə ABŞ Xəzinədarlığı Səfanı silah və narkotik qaçaqmalçılığında iştirakına görə qara siyahıya salıb.

Oktyabrın 10-da Al Mayadeen telekanalı təşkilatdakı mənbəyə istinadən kəşfiyyat xidmətinin rəhbərinin İsrailin hücumundan sağ çıxdığını bildirib. Onun məlumatına görə, “Vafiq Səfaya sui-qəsd uğursuz oldu, o, qaçdı”. İsrail mediası Səfanı “Hizbullahın müdafiə naziri” adlandırır.

Miri