Norveç Ukrayna üçün silah istehsalına on milyonlarla pul xərcləyəcək

Norveç hökuməti Ukrayna üçün silah istehsalını genişləndirmək üçün 967 milyon kron (90 milyon dollar) ayıracaq.

Oxu24.com  xəbər verir ki, bu barədə ölkənin Müdafiə Nazirliyinin yaydığı məlumatda deyilir.

Norveçin müdafiə naziri Byorn Arild Qram qeyd edib ki, “Təhlükəsizlik vəziyyəti Ukraynanın müdafiəsini təmin etmək üçün maddi-texniki vasitələrə təcili ehtiyac yaradıb”.

O, bildirib ki, təqdim olunan yol xəritəsi məhz Norveç müdafiə sənayesinin potensialının artırılmasına kömək edəcək plandır. Plan Nammo raket mühərrikləri üçün yeni istehsal xətti yaratmaq və eyni zamanda Norveçin partlayıcı maddələr yaratmaq üçün xammal olan heksamin istehsalını artırmaqdır.

Sentyabrın sonunda Norveç hakimiyyəti Rusiya ilə sərhəddə hasar çəkmək variantını nəzərdən keçirməyə başladı. Bu barədə NRK teleradio şirkəti ölkənin ədliyyə naziri Emilie Meliyə istinadən məlumat yayıb.

Bundan əvvəl Norveç də Belarusa qarşı sanksiyalara qoşulmuşdu.

 

Nigar