Ötən həftə Almaniya Ukraynaya iki IRIS-T hava hücumundan müdafiə sistemi təhvil verib.

Oxu24.com xəbər verir ki,Almaniya Müdafiə Nazirliyində Ukraynanın Xüsusi Qərargahına rəhbərlik edən alman general Kristian Freydinq RedaktionsNetzwerk Deutschland portalı ilə söhbətində bu barədə danışıb.

“Biz yüksək səviyyədə işləyirik və bu yüksək səviyyəni qoruyub saxlayacağıq. Son bir həftə ərzində biz iki IRIS-T SLM və SLS zenit sistemini təhvil verdik. Bu il isə daha iki zenit sistemi tədarük edəcəyik”, - deyə hərbçi bildirib.

Bundan əlavə, general söz verib ki, 2024-cü ilin sonuna qədər Kiyev onlarla piyada döyüş maşını, tank və bir milyona yaxın artilleriya mərmisi alacaq.

Sentyabrda Almaniya kansleri Olaf Şolz Berlinin Ukraynaya 17 IRIS-T zenit-raket kompleksi (SAM) göndərməyi planlaşdırdığını açıqlamışdı. Siyasətçi qeyd edib ki, dörd belə qurğu ilin sonuna qədər Kiyevə gətiriləcək, qalanları isə 2025-ci ildə gətirilməyə başlayacaq. O, həmçinin xatırladıb ki, artıq yeddi qurğu Ukraynaya gəlib.

Bundan əvvəl Rusiya Silahlı Qüvvələrinin Zaporojyedə Almaniyanın İRİS-T hava hücumundan müdafiə sistemini məhv etdiyi bildirilirdi.

Miri