Rusiya İsrailin hücumlarını pislədi

Rusiya İsrailin Dəməşqə endirdiyi hava hücumunu pisləyir.

 

Oxu24.com xəbər verir  ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.

 

“Biz bu hərəkəti qətiyyətlə pisləyirik. Hücumun hədəfi kim olursa olsun, üçüncü ölkənin ərazisində, sıx yaşayış massivində həyata keçirilib ki, bu da günahsız insanlar arasında qaçılmaz itkilərə səbəb olur. Və bu cür hərəkətlərin Suriya, İran və Qəzza zolağında sözün əsl mənasında adi təcrübəyə çevrilməsi qəzəb doğurur”, - Zaxarova bildirib.

Rusiya diplomatik departamentinin rəsmi nümayəndəsi İsraili ətraf dövlətlərin suverenliyinə hörmət etməyə və beynəlxalq hüquqa riayət etməyə çağırıb.

Bundan əvvəl İsrail Hərbi Hava Qüvvələri Dəməşqin sıx məskunlaşdığı mərkəzi ərazidə çoxmərtəbəli binaya zərbələr endirib.

Hücum nəticəsində ölənlərin olduğu qeyd edilir. Bəzilərini xilas etmək mümkün olmadı.

Bundan əvvəl Netanyahu Nəsrullahın iki xələfinin məhv edildiyini açıqlamışdı.

 

Miri