Putin Lukaşenkoya orden verəcək

Rusiya prezidenti Vladimir Putin təntənəli mərasimdə belaruslu həmkarı Aleksandr Lukaşenkoya Rusiyanın ən yüksək mükafatı - Müqəddəs Endryu Birinci Apostol ordenini təqdim etməyi planlaşdırır.

 

Oxu24.com  xəbər verir ki, bu barədə Rusiya prezidentinin köməkçisi Yuri Uşakov brifinq zamanı bildirib.

 

“Moskvada keçirilən sammit çərçivəsində oktyabrın 9-da Putin və Lukaşenko arasında görüş olacaq”,-deyə o bildirib.

 

Dövlət başçısının köməkçisi qeyd edib ki, Belarus prezidenti “müttəfiqlik və strateji tərəfdaşlıq münasibətlərinin inkişafında, qardaş xalqların dostluğunun möhkəmləndirilməsində müstəsna xidmətlərinə və İttifaq dövlətinin səmərəli fəaliyyətinə şəxsi töhfəsinə görə” təltif olunacaq.

Uşakov əlavə edib ki, bu, bu il iki dövlət liderlərinin səkkizinci görüşü olacaq.

Oktyabrın 7-də Lukaşenko Moskvaya uçub, burada Müstəqil Dövlətlər Birliyinə (MDB) üzv olan ölkələrin başçılarının iştirakı ilə sammit keçiriləcək.

Bundan əvvəl Lukaşenko prezidentin helikopterinə hücumu müharibəyə başlamaq üçün səbəb adlandırmışdı.

 

Nigar