Ukrayna pilotsuz təyyarələri Belqorod vilayətinə hücum edib

Ukrayna Silahlı Qüvvələrinin (AFU) beş pilotsuz uçuş aparatı (PUA) Belqorod vilayətinə hücum edib.

Oxu24.com xəbər verir  ki, bu barədə vilayətin qubernatoru Vyaçeslav Qladkov özünün Telegram kanalında məlumat verib.

Onun sözlərinə görə, PUA-lardan biri Nikolskoye-Murom avtomobil yolunun hissəsində avtomobilə hücum edib. Nəqliyyat vasitəsinin sürücüsü xəsarət alıbvə tibb müəssisəsinə yerləşdirilib.

Qubernator əlavə edib ki, FPV pilotsuz təyyarəsi Qrayvoronski bələdiyyə rayonunun Novostroevka-Pervaya kəndinə yenidən hücum edib.

Daha iki pilotsuz təyyarə Tişanka kəndindəki sosial obyektə düşüb. Krasnoyaruzski rayonunun Vyazovoe kəndində də PUA sosial obyektə hücum edib, nəticədə yanğın baş verib. Yanğının mənbəyi aradan qaldırılıb.

Oktyabrın 7-də Qladkov bildirib ki, Ukrayna pilotsuz təyyarələri regionun dörd yaşayış məntəqəsinə hücum edib. Xüsusilə, Novostroevka-Pervaya kəndi Ukrayna Silahlı Qüvvələrinin hədəflərindən birinə çevrilib. Pilotsuz uçan aparatın kənd təsərrüfatı texnikasına çırpılması sürücünün yaralanmasına səbəb olub.

Bundan əvvəl Belqorodun Şebekino şəhərində bir qadın pilotsuz təyyarənin hücumu nəticəsində xəsarət alıb.

 

Nigar