Hazırda respublikada hakim partiya olan “Gürcü arzusu” partiyası ölkə prezidenti Salome Zurabişvilinin impiçmentinə yenidən cəhd etmək niyyətindədir.

Oxu24.com xəbər verir  ki, bu barədə TASS yazır.

“Parlament çoxluğu [prezidentin] impiçment prosedurunu bərpa etmək və parlament seçkilərinə qədər Konstitusiya Məhkəməsinə təqdim olunacaq yeni konstitusiya təklifi hazırlamaq qərarına gəlib”, - Gürcüstan parlamentinin sədri Şalva Papuaşvili bildirib.

O, prosedurun başlanmasının səbəbini Zurabişvilinin hökumətlə razılaşdırmadığı xaricə səfərləri ilə izah edib ki, bu da spikerin fikrincə, Gürcüstan Konstitusiyasını pozur.

“Gürcü arzusu” artıq eyni səbəbdən prezidenti impiçment etməyə çalışsa da, buna nail ola bilməyib. Eyni zamanda, sentyabr ayında Zurabişvili ikinci müddətə namizəd olmaq niyyətində olduğunu açıqladı.

Bundan əvvəl Gürcüstanın baş naziri ölkə prezidentini seçki prosesinə müdaxilədə ittiham etmişdi.

Nigar