Livan Birləşmiş Millətlər Təşkilatını (BMT) İsrailin ölkə ərazisinə davam edən zərbələri fonunda ölkəyə humanitar yardımın təhlükəsiz çatdırılması üçün hava dəhlizi yaratmağa çağırıb.

Oxu24.com-un məlumatına görə Al Mayadeen telekanalı xəbər verir ki, bunu respublika parlamentinin sədri Nəbih Berri bildirib.

“Livan BMT-ni ölkəmizin mülki əhalisinə lazımi humanitar yardımın çatdırılmasını təmin edəcək hava dəhlizinin yaradılması üzərində işləməyə çağırır”, - deyə siyasətçi bildirib.

Berri həmçinin qeyd edib ki, belə bir təşəbbüs İsrailin Livana qarşı yaratdığı “hava blokadasını qıracaq”.

Bundan əvvəl Rusiya Xarici İşlər Nazirliyi İsrailin Livana hücumunu qətiyyətlə pislədiyini bəyan edib. Bundan əlavə, Xarici İşlər Nazirliyinin bəyanatında qeyd olunur ki, Moskva Təl-Əvivi hərbi əməliyyatları dayandırmağa və İsrail Müdafiə Qüvvələrinin (IDF) qoşunlarını qonşu ölkənin ərazisindən çıxarmağa çağırır.

Nigar