NATO bildirib ki, alyans Livandakı münaqişədə iştirak etmir

Şimali Atlantika Alyansı Livandakı vəziyyəti diqqətlə izləyir, lakin orada heç bir rol oynamır və münaqişənin tezliklə bitəcəyinə ümid edir.

Oxu24.com   xəbər verir ki, bunu NATO-nun yeni baş katibi Mark Rutte alyansın mənzil-qərargahında səlahiyyətlərin verilməsi mərasimindən əvvəl deyib.

"NATO-nun orada heç bir rolu yoxdur, biz yalnız hərbi əməliyyatların tezliklə dayandırılmasına ümid edirik", deyə o bildirib.

Vəzifəsini tərk edən baş katib Yens Stoltenberq NATO-nun vəziyyətdən narahatlığını dilə gətirib, lakin onların heç biri İsrailin adını çəkməyib.

Bundan əvvəl Sky News Arabia telekanalı mənbələrə istinadən xəbər vermişdi ki, Birləşmiş Ştatlar Livan ordusunun komandanlığına müraciət edərək, İsraillə münaqişənin kəskinləşməsi fonunda ölkə hökumətinin atəşkəslə razılaşmaq qərarına təsir göstərib.

Oktyabrın 1-nə keçən gecə İsrail Müdafiə Qüvvələri Livanın cənubunda Hizbullaha qarşı məhdud quru reydlərinin başladığını elan edib.

Daha əvvəl bildirilmişdi ki, ABŞ və İsrail Livanda “hücumlar üçün infrastrukturun dağıdılması” zərurəti ilə bağlı razılığa gəliblər.

 

Miri