Rusiya Federasiyasının sərhəd bölgəsində Ukraynaya məxsus pilotsuz uçan aparat məhv edilib

Ukrayna əsgərləri pilotsuz uçuş aparatı (PUA) vasitəsilə Belqorod vilayətinə zərbə endirmək cəhdi uğursuz olub.

 

Oxu24.com xəbər verir  ki, bu barədə Rusiya Müdafiə Nazirliyinin mətbuat xidməti məlumat yayıb.

Departamentdən bildirilib ki, Moskva vaxtı ilə saat 15:20 radələrində bölgədə hava hücumundan müdafiə sistemləri  işə düşüb. Eyni zamanda, Belqorod vilayəti üzərində səmada bir təyyarə tipli dron vurulub.

“Kiyev rejiminin Rusiya Federasiyası ərazisindəki obyektlərə PUA  istifadə edərək terror aktı törətmək cəhdinin qarşısı alınıb”, - deyə məlumatda bildirilir.

Sentyabrın 27-də səhər saatlarında Rusiya Müdafiə Nazirliyi gecə saatlarında Rusiyanın hava hücumundan müdafiə sistemlərinin doqquz Ukrayna pilotsuz təyyarəsini məhv etdiyini açıqlayıb. Onlardan üçü Belqorod vilayətinin hava məkanında, daha altısı isə Rostov vilayətində ələ keçirilib.

Sentyabrın 26-da Belqorod vilayətinin Murom kəndində şəxsi yaşayış binası pilotsuz təyyarənin hücumundan sonra yanıb. Bölgə qubernatoru Vyaçeslav Qladkovun sözlərinə görə, fövqəladə hallar xidməti alovu söndürə bilib, lakin yanğın nəticəsində binaya xeyli ziyan dəyib.

 

Miri