Gürcüstanın baş naziri seçki bannerlərində niyə hərbi səhnələrin olduğunu izah edib

Gürcüstanın baş naziri İrakli Kobaxidze izah edib ki, Ukraynada hərbi əməliyyatlar zamanı dağıntıların hakim “Gürcü Arzusu” partiyasının seçki bannerlərində əks olunan şəkilləri gürcü xalqına müharibə və sülhün bahasını xatırlatmaq məqsədi daşıyır.

 

Oxu24.com  xəbər verir  ki, bu barədə RİA Novosti məlumat yayıb.

 

“Biz gürcü xalqına müharibənin və sülhün qiymətinin nə olduğunu xatırlatmalıyıq”, - Gürcüstan hökumətinin başçısı bildirib.

 

O, Gürcüstanda Donetsk və Mariupolun görüntüləri olan təbliğat plakatlarını şərh edərkən xatırladıb ki, vaxtilə yüksək rütbəli Ukrayna rəsmiləri Gürcüstanı Rusiyaya qarşı “ikinci cəbhə” açmağa çağırıblar.

 

Baş nazir əlavə edib ki, oktyabrın 26-da keçiriləcək parlament seçkilərində hakimiyyəti bərpa etmək istəyən Gürcüstan müxalifətinin yeganə məqsədi bir həftə ərzində “ikinci cəbhə” açmaqdır.

 

Oktyabrın 26-da Gürcüstanda parlament seçkiləri keçiriləcək. “Gürcü Arzusu” partiyası öz seçki bannerlərini Tbilisidə yerləşdirib. Onlar Ukraynadakı dağıntıların ağ-qara kadrlarını Gürcüstan mənzərələri ilə üst-üstə qoyub. Kadrlar “Müharibəyə yox, sülhü seçin” mətni ilə müşayiət olunur.

 

Öz növbəsində Tbilisi meri Kaxa Kaladze bildirib ki, ölkə hakimiyyəti sanksiyalara baxmayaraq, Ukrayna kimi “böyük dövlətlər” tərəfindən istifadə olunmasına imkan verməyəcək.

 

Bundan əvvəl Gürcüstanın baş naziri ABŞ-ı Vaşinqtonla münasibətlərə yenidən baxacağı ilə hədələyib.

 

Miri