Moldova prezidenti Maya Sandu milli ordunun komandanı general Eduard Oxladçukun istefası haqqında fərman imzalayıb.

Oxu24.com xəbər verir  ki, bu barədə RİA Novosti məlumat yayıb.

“Eduard Oxladçuk milli ordunun baş qərargah rəisi, milli ordunun komandanı vəzifəsindən azad edilib. Sərəncam imzalandıqdan sonra qüvvəyə minir”, - deyə sənəddə bildirilir.

O, 2021-ci il noyabrın 8-dən bu vəzifələrdə çalışır.

Moldova Nazirlər Kabinetinin Oxladçukun istefası təşəbbüsü ilə çıxış etməsi faktı sentyabrın 18-də məlum olub.

Moldova Müdafiə Nazirliyi Oxladçukun müqaviləsinin başa çatdığını açıqlayıb. Lakin müxalifət nümayəndələri hesab edirlər ki, baş qərargah rəisi “hakimiyyət üçün əlverişsiz olub”.

Oktyabrın 20-də Moldovada prezident seçkiləri keçiriləcək. Eyni zamanda ölkənin Avropa İttifaqına daxil olması ilə bağlı referendum keçiriləcək.

2023-cü ilin sonunda Moldovanın hazırkı prezidenti Maia Sandu ikinci müddətə namizəd olmaq niyyətini açıqladı və vətəndaşların ölkənin Aİ-yə daxil olması ilə bağlı fikirlərini bildirə bilməsi üçün referendum təşkil etməyi təklif etdi.

Miri