ABŞ İsrailə 8,7 milyard dollar hərbi yardım ayıracaq

İsrail “davam edən hərbi səyləri dəstəkləmək üçün” ABŞ-dan 8,7 milyard dollarlıq yardım paketi alacaq.

Oxu24.com  xəbər verir ki, bu barədə İsrail Müdafiə Nazirliyinin mətbuat xidməti məlumat yayıb.

"İsrail Müdafiə Nazirliyinin baş direktoru Eyal Zamir Vaşinqtonda ölkənin davam edən hərbi səylərini dəstəkləmək üçün ABŞ-ın 8,7 milyard dollarlıq yardım paketi ilə bağlı danışıqları başa çatdırıb", - departamentdən bildirilib.

Sentyabrın 24-də Associated Press xəbər verib ki, Birləşmiş Millətlər Təşkilatının Baş Assambleyasında Birləşmiş Ştatlar İsrail və Livan arasındakı gərginliyi həll etmək üçün “konkret ideyalar” təqdim etməyi planlaşdırır.

Sentyabrın 23-ü səhər saatlarında İsrail aviasiyası Livan yaşayış məntəqələrinə kütləvi zərbələr endirməyə başlayıb. Bir çox kənd və bir sıra şəhərlər hücuma məruz qaldı. Buna cavab olaraq Hizbullah şiə hərəkatının döyüşçüləri İsrailin şimal hissələrinə onlarla raket atıblar. Livan hökuməti artıq BMT-ni müdaxilə etməyə və İsrailin təcavüzünü dayandırmağa çağırıb.

Bundan əvvəl İsrail ordusunun hücumu nəticəsində livanlı televiziya jurnalisti canlı yayımda yaralanıb.

 

Miri