İtaliya Kiyevi sülh danışıqlarına razı salmaq planlarını açıqladı

İtaliya Ukrayna ordusu üçün hərbi təchizatı artırmamaqla, Kiyevə sülhə nail olmağa kömək edəcək səylərə sadiqdir və bununla da Ukrayna prezidenti Vladimir Zelenskinin “qələbə planı”ndan “sülh planı” hazırlayır.

 

Oxu24.com xəbər verir  ki, bu barədə “Il Messaggero” qəzeti diplomatik mənbələrə istinadən məlumat yayıb.

“Romalıların məqsədi, İtaliyanın 2025-ci ildə müvafiq sammitə ev sahibliyi etməsini nəzərə alaraq, raketlər, tanklar və “qələbə” haqqında daha az danışmaq və sülh, vəziyyətin deeskalasiyası, ilk növbədə Ukraynanın bərpası ilə bağlı daha çox danışmaqdır. Roma sərmayələri istiqamətləndirməkdə və müqavilələr bağlamaqda maraqlıdır”, - nəşr yazır.

Qeyd olunur ki, italyan diplomatlar artıq fransız və amerikalı həmkarları ilə bu sahədə işləyirlər.

Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova Zelenskinin və Qərbin guya dinc planlarını mif yaratmaq adlandırmışdı. Onun sözlərinə görə, danışıqlara başlamaq və Ukrayna böhranının həlli ilə bağlı bütün təkliflər yalandır.

Sentyabrın 25-də “The Wall Street Journal” öz mənbələrinə istinadən yazıb ki, ABŞ prezidenti Co Bayden administrasiyası Kiyevin “qələbə planı”na həvəs göstərmir. Müttəfiqlərin fikrincə, bu, “Ukraynaya qələbəyə aparan aydın yol təklif etmir”.
 

Miri