Rusiya Qətərin vasitəçiliyi ilə 9 uşağı ailələrinə qovuşdurmaq üçün Ukraynaya təhvil verib.

APA-nın Moskva müxbiri xəbər verir ki, bu barədə Rusiyanın uşaq hüquqları üzrə müvəkkili - uşaq ombudsmanı Mariya Lvova-Belova bildirib.

Onun sözlərinə görə, uşaqların əksəriyyəti Rusiyada yaxın qohumlarının, əsasən də nənə və babalarının yanında yaşayıb. Belə ki, 17 yaşlı bir qız nənəsi ilə Krımda yaşasa da, Kiyevdəki anasının yanına köçmək istəyib.