Gürcüstanın baş naziri Abxaziya və Cənubi Osetiya əhalisinə müraciət edib

Gürcüstanın baş naziri İrakli Kobaxidze Abxaziya və Cənubi Osetiya əhalisinə müraciət edərək, onları vahid gürcü dövlətində yaşamağa çağırıb.

 

Oxu24.com xəbər verir  ki, O, Gürcüstan Televiziyasının Birinci Kanalına müsahibəsində bunu bildirib.

 

"Bizim bütün addımlarımız xalqımıza kömək etməyə və xoşbəxt, vahid və inkişaf etmiş Gürcüstanda birlikdə yaşaya bilməyə yönəlib", deyə o bildirib.

 

Kobaxidzenin sözlərinə görə, Gürcüstan ölkədəki bütün dağılmış körpüləri bərpa etməlidir və Abxaziya və Cənubi Osetiya əhalisini “açıq ürəklə qarşılayacaqlar”.

 

Bundan əvvəl Gürcüstanın baş naziri bildirib ki, ABŞ prezidenti Co Baydenlə qəbula dəvətin ləğvi qeyri-ciddi addımdır, xüsusən də dəvətin üç gün əvvəl Gürcüstan nümayəndə heyətinə təqdim olunması faktını nəzərə alsaq.

Nigar