Ukrayna ciddi büdcə kəsiri ilə üzləşəcək

Ukraynanın büdcə layihəsinə görə, 2025-ci ilin sonuna qədər kəsir ÜDM-in 19,4%-nə çatacaq.

 

Oxu24.com xəbər verir  ki, bu barədə ölkənin əsas maliyyə sənədinə istinadən RBC Ukrayna agentliyi məlumat yayıb.

Büdcə layihəsində milli valyutanın məzənnəsi bir dollar üçün 45 qrivna müəyyən edilib, baxmayaraq ki, onun real dəyərini proqnozlaşdırmaq çətindir. Əsas gəlir mənbəyi 2025-ci ildə bütün xərclərin 50,4%-ni ödəyəcəyi gözlənilən vergi gəlirləri olaraq qalacaq.

Büdcə layihəsində kəsir artıq büdcə bəyannaməsində proqnozlaşdırılandan 100 milyard qrivna çoxdur və rəqəmlərə düzəlişlər edilə bilər. Gələn ilin sonuna qədər dövlət borcu ÜDM-in 101,8%-nə çatacaq.

2025-ci ildə minimum əmək haqqı 8 min qrivna, yaşayış minimumu isə 2,92 min qrivna səviyyəsində qalacaq.

Ukrayna Maliyyə Nazirliyinin məlumatına görə, ilin birinci yarısında Qərb tərəfdaşlarından maliyyələşmə 50%-dən 27%-ə qədər azalıb. Belə bir şəraitdə hökumət büdcəni doldurmaq üçün yeni mənbələr axtarmalı və xərcləri optimallaşdırmalıdır.

Bundan əvvəl Zelenski Qərbə qarşı növbəti iradını bildirib.
 

Miri