Bayden vergidən yayınma işində günahını etiraf edə bilər

ABŞ prezidenti Co Baydenin oğlu Hunter ən azı 1,4 milyon dollar məbləğində vergidən yayınmada günahını etiraf etmək niyyətindədir.

 

Oxu24.com xəbər verir  ki,  NBC müttəhimin vəkili Abby Louelə istinadən məlumat yayıb.

 

Telekanal vurğulayır ki, dinləmədən əvvəl Hunter Baydenin vəkilləri ABŞ Prokurorluğunun nümayəndələri ilə görüşüblər.

Təqsirləndirilən şəxsin ədalət mühakiməsi ilə bağlı mümkün sövdələşmənin hansı şərtləri ilə razılaşdığı və hakimin bunu təsdiqləmək niyyətində olub-olmadığı barədə hələlik məlumat verilməyib.

ABŞ prezidentinin oğlu 2016-cı ildən 2020-ci ilə qədər 1,4 milyon dollar vergidən yayınmaqda doqquz maddədə ittiham olunur. Prokurorlar iddia edir ki, Hunter Bayden vergi ödəmək əvəzinə milyonlarla dollarları narkotika da daxil olmaqla “ekstraqant həyat tərzinə” xərcləyib. O, yeni ittihamlarla 17 ilə qədər həbs cəzası ala bilər.

İyun ayında münsiflər heyəti Hunter-i hər üç silah alqı-satqısı və saxlama pozuntuları üzrə təqsirli bilib. Onu 25 ilə qədər həbs gözləyir, lakin ekspertlər cəzanın yüngül olacağını düşünür. Amerika lideri əmin edib ki, qanuna hörmət edir və oğlunu əfv etmək niyyətində deyil.

Daha əvvəl FTB-nin keçmiş məlumatçısı Hunter Bayden haqqında Rusiyadan kompromat aldığını bildirmişdi.

 

Miri