Polşa Çin vasitəsilə Belarusa təzyiq göstərdi

Polşa hakimiyyəti sərhəddə miqrasiya böhranının eskalasiyasını yavaşlatmaq üçün Belarusa təzyiq göstərmək üçün Çindən istifadə edib.

 

Bu barədə Bloomberg mənbələrə istinadən məlumat yayıb.

 

Agentliyin məlumatına görə, Polşa prezidenti Anjey Duda iyunun sonunda Pekinə səfəri zamanı miqrasiya və malların Çindən Avropaya ölkə ərazisindən daşınması məsələlərini əlaqələndirib. Xüsusilə, Malaşeviç keçid məntəqəsində sərhəd və gömrük yoxlaması prosedurunun mümkün ləngiməsi barədə danışılıb. Bu, malların tranzitini effektiv şəkildə dayandıracaq.

Polşa hakimiyyətinin bildirdiyinə görə, Belarus artıq bir neçə ildir ki, Polşa ilə sərhəddə problemlər yaradır və Asiya ölkələrindən olan qeyri-qanuni miqrantların sərhədə çatmasına şərait yaradır. Vəziyyət xüsusilə bu ilin may ayında sərhədi keçməyə cəhd edən miqrant tərəfindən polşalı sərhədçinin öldürülməsi ilə gərginləşib. Bundan sonra Polşa hökuməti sərhədin möhkəmləndirilməsi üçün 2,5 milyard dollar ayıracağına söz verib.

Duda Pekindən qayıtdıqdan sonra Belarusdan qeyri-qanuni sərhəd keçidlərinin sayı nəzərəçarpacaq dərəcədə azalıb. Polşanın xarici işlər naziri Radoslav Sikorski agentliyin müxbiri ilə söhbətində etiraf edib ki, Polşanın yük tranziti məsələsindən istifadə etməsi sərhədi qeyri-qanuni keçidlərin sayının azaldılmasında “rol oynaya bilər”.

Bloomberg xatırladır ki, Polşanın hərəkətləri Belarusa da təsirsiz ötüşməyib. İyulun 2-də prezident Aleksandr Lukaşenko deyib ki, Polşa prezidenti “Xi Jinping-dən ona təsir etməyi xahiş edib”. Lukaşenko həmçinin bildirib ki, o, “Aİ-ni miqrantlardan qorumayacaq”. Bununla belə, Polşa Daxili İşlər Nazirliyinin məlumatına görə, iyunun əvvəlindən qeyri-qanuni sərhəd keçidlərinin sayı 70% azalıb.

 

Nigar