Putin Özbəkistan prezidentini ad günü münasibətilə təbrik edib

Rusiya prezidenti Vladimir Putin Özbəkistan prezidenti Şavkat Mirziyoyevi ad günü münasibətilə təbrik edib.

 

Oxu24.com xəbər verir  ki, Teleqram Kremlin saytında dərc olunub.

 

"Prezident vəzifəsində fəaliyyətiniz həmvətənləriniz arasında sizə böyük hörmət və yüksək beynəlxalq nüfuz qazandırıb", - Rusiya lideri qeyd edib.

 

Putin həmçinin vurğulayıb ki, Mirziyoyevin rəhbərliyi altında Özbəkistan sosial və iqtisadi sahədə mühüm uğurlar əldə edib, həmçinin dünya miqyasında öz mövqelərini möhkəmləndirib.

 

Rusiya Federasiyasının Prezidenti Rusiya Federasiyası ilə Özbəkistan arasında konstruktiv dialoqun və sıx əməkdaşlığın davam etdiriləcəyinə ümidvar olduğunu bildirib. Bundan əlavə, o, may ayında aparılan danışıqların məhsuldar olduğunu qeyd edib.

 

Sonda Putin Mirziyoyevə cansağlığı, xoşbəxtlik, firavanlıq və uğurlar arzulayıb.

 

Miri