Lavrov Aİ-nin Orbanı pariyaya çevirmək istəyini açıqlayıb

Avropa İttifaqı (Aİ) liderləri Macarıstanın baş naziri Viktor Orbanı Ukraynada sülhün nizamlanmasına sadiqliyinə görə pariyaya çevirmək istəyirlər.

 

Oxu24.com  xəbər verir ki, bunu Rusiyanın xarici işlər naziri Sergey Lavrov deyib.

 

“Görün, Avropa İttifaqı ilin bu yarısında Macarıstanın baş nazirinə, Avropa İttifaqının prezidentinə necə münasibət bəsləyir .Onu kənarda qoymağa çalışırlar. Ümumiyyətlə, biz “maraqlı” dövrlərdən keçirik”, - diplomat bildirib.

 

Lavrov vurğulayıb ki, Orban hərbi yolla deyil, kompromislər əsasında sülh yolu ilə nizamlanmanın tərəfdarı olan azsaylı Aİ siyasətçilərindən biridir.

 

Bundan əvvəl Orban bildirib ki, Ukraynadakı münaqişənin sülh təşəbbüsü çərçivəsində həllinə dair gələcək addımlar gizli saxlanılacaq və faktdan sonra təqdim olunacaq. Onun fikrincə, Slovakiyanın baş naziri Robert Fiko və ABŞ-ın keçmiş prezidenti Donald Trampın həyatına sui-qəsdlər “sülh partiyasına mənsub bütün siyasətçilərə” qarşı yönəlib.

 

Miri