Çin Xarici İşlər Nazirliyinin sözçüsü Lin Jian brifinqdə bildirib ki, Çin Yaponiya və Tayvan sahil mühafizə gəmilərinin birgə təlimlərinə görə Yaponiyaya qarşı sərt etirazını bildirib və demarş edib.

Oxu24.com xəbər verir  ki, "Biz qəti şəkildə narazıyıq və Yaponiyanın Tayvan regionu ilə birgə dəniz manevrlərinə qəti şəkildə qarşıyıq. Biz Yaponiya tərəfinə sərt bəyanatlar vermişik", - o deyib.

Onun sözlərinə görə, Çin Yaponiyanı tək Çin prinsipini dəstəkləməyə, səhvlərini dərhal düzəltməyə və Tayvan tərəfdarı separatçı qüvvələri dəstəkləməməyə çağırır.

Bundan əvvəl NHK telekanalı Yaponiya və Tayvan sahil mühafizəsinin patrul gəmilərinin Yaponiyanın Boso yarımadasının cənubundakı sularda ilk birgə təlimlərini keçirdiklərini bildirmişdi.

Yaponiyanın Tayvanla diplomatik əlaqələri yoxdur, lakin ada ilə sıx əlaqələr saxlayır.

Nigar