Macarıstan Xarici İşlər Nazirliyi Qərbin Gürcüstandakı xarici agentlərlə bağlı qanuna reaksiyasını pisləyib

Gürcüstan xarici agentlər haqqında qanunun köməyi ilə kənar müdaxilələrin qarşısını almağa çalışır və Budapeşt buna anlayışla yanaşır.

 

Oxu24.com xəbər verir  ki,bu barədə RİA Novosti-yə müsahibəsində Macarıstanın xarici işlər naziri Peter Siyarto bildirib.

 

“Gürcüstanın öz ölkəsinə nəzarət etmək və xarici müdaxilələrə qarşı çıxmaq istəməsi başa düşüləndir. Düşünmürəm ki, heç kimin, xüsusən də Avropa İttifaqının gürcüləri belə bir qanuna görə tənqid etməyə haqqı yoxdur”, - deyə nazir vurğulayıb.

 

O xatırladıb ki, Macarıstan da oxşar vəziyyətlə üzləşib. Macarıstanda müxalifət “tamamilə kənardan” maliyyələşirdi, pullar əsasən ABŞ-dan gəlirdi.

 

Bundan əvvəl Qori şəhərinin (İosif Stalinin doğulduğu yer) “sakrebulo”nun (qanunvericilik məclisi) sədri David Razmadze Qərbin “Gürcüstanın düşməni” olduğunu bildirib.

 

Mayın 14-də Gürcüstan parlamenti xarici agentlər haqqında qanun qəbul edib. 84 deputat onun lehinə, 30 deputat əleyhinə səs verib, daha 58 deputat bitərəf qalıb. Ölkə prezidenti Salome Zurabişvili sənədi “Rusiya qanunu” adlandırıb və ona veto qoyub, lakin parlament onu ləğv edib.

 

Miri