Yəmənin Ənsar Allah hərəkatı (husilər) iyulun 19-na keçən gecə yeni Jaffa pilotsuz uçan aparatı ilə Təl-Əvivə hücum həyata keçirib.

Oxu24.com  xəbər verir ki, bunu şiə hərəkatının hərbi nümayəndəsi Yəhya Səriya bildirib.

O, dəqiqləşdirib ki, “Jaffa” pilotsuz uçan aparatı düşmənin hava hücumundan müdafiə sistemlərindən yan keçməyə qadirdir.

Onun sözlərinə görə, “vacib obyektlərdən birinə” zərbə endirməkdən ibarət “hərbi əməliyyat” həyata keçirilib.

Bundan əlavə, şiə hərəkatı Təl-Əvivin husilərin silahlarının aralığında “əsas hədəfinə” çevriləcəyi ilə hədələyib.

Təl-Əvivdə gecə baş verən partlayış nəticəsində, İsrail mətbuatının son məlumatlarına görə, 7 nəfər yaralanıb. Daha bir nəfər isə həyati təhlükəsi olmayan xəsarətlər alıb.

İsrail Müdafiə Qüvvələrinin (IDF) mətbuat xidməti Tel-Əvivdəki partlayışın səbəbinin “hava hədəfinin” düşməsi olduğunu bildirib. Yəmən husiləri daha sonra hücuma görə məsuliyyəti öz üzərinə götürüb və hücumun təfərrüatlarını daha sonra açıqlayacaqlarını vəd ediblər.

Bundan əvvəl husilər Ədən körfəzində İsrail gəmisinə raket və dronlarla hücum etmişdilər.

Nigar