İran şərtini açıqladı

Fələstinin radikal HƏMAS hərəkatını dəstəkləyən islami müqavimət qüvvələri İsrail Qəzza zolağında hərbi əməliyyatını dayandıran kimi ona hücumu dayandıracaq.

 

Bunu İranın xarici işlər naziri vəzifəsini icra edən Əli Baqiri Kani deyib.

“Sionist rejimin (İsrail nəzərdə tutulur) Qəzza zolağındakı cinayətləri dayanan kimi, açıq-aydın, müqavimət qüvvələrinin başqa istiqamətlərdə hərəkətə keçməyəcəyini gözləmək olar. Amma nə qədər ki, İsrailin Qəzzada cinayətləri və soyqırımı davam edir, müqavimət öz maraqlarına əsaslanaraq hərəkət etmək hüququna malikdir”, o, Amerikanın CNN telekanalına müsahibəsində deyib.

 

İsrail ordusunun Fələstin anklavında keçirdiyi hərbi əməliyyat, diplomatın fikrincə, “vəziyyəti heç vaxt yəhudi dövlətinin xeyrinə çevirə bilməyəcək”.

 

“Oktyabrın 7-dən əvvəl heç vaxt İran İslam Respublikası tərəfindən sionist rejimə birbaşa təhdid olmayıb, lakin sionistlər İranın Dəməşqdəki səfirliyinə hücum edib, İranın bir neçə yüksək rütbəli hərbi komandirini öldürdükdən sonra öz ərazilərində İran raketlərini alıblar”. Söhbət İsrail Hərbi Hava Qüvvələrinin aprelin 1-də Suriya paytaxtında İran konsulluğuna hücumuna cavab olaraq aprelin 13-ü axşam saatlarında İranın İsrailə raket və pilotsuz təyyarə hücumundan gedir.

 

Nigar