FSB imamı terrorçulara pul köçürdüyü üçün saxlayıb

FSB əməkdaşları “Ulyanovsk vilayəti Müsəlmanlarının Mərkəzi Ruhani İdarəsi” mərkəzləşdirilmiş dini təşkilatının imam-xətibini saxlayıblar.

 

Oxu24.com xəbər verir  ki,bu barədə “Ulyanovsk vilayətinin Tatar xəbərləri” nəşri regional idarənin rəhbərliyinə istinadən məlumat yayıb.

 

Əməliyyat-axtarış tədbirləri zamanı məlum olub ki, həmin şəxs hələ 2016-cı ildə Rusiyada fəaliyyəti qadağan edilmiş beynəlxalq terror təşkilatının üzvlərinin nəzarətində olan bank kartına pul köçürüb. Belə ki, o, Suriyada cinayətkar fəaliyyəti maliyyələşdirib.

İmamın yaşadığı ünvanda aparılan axtarış zamanı şəxsi qeydləri olan dəftərlər, bank kartları və qadağan olunmuş dini ədəbiyyat götürülüb. Onun barəsində Rusiya Federasiyası Cinayət Məcəlləsinin 205.1-ci (“Terrorçuluğun maliyyələşdirilməsi formasında terror fəaliyyətinin təşviqi”) maddəsi ilə cinayət işi başlanıb. Araşdırma zamanı hüquq-mühafizə orqanları imamın əlaltılarını müəyyən etmək niyyətindədir.

İyulun 5-də bildirilib ki, Sankt-Peterburqun Birinci Qərb Dairə Hərbi Məhkəməsi Abdurahimjon Esan ugli Kurbonaliev (Rosfinmonitoring tərəfindən terrorçu və ekstremistlər siyahısındadır) terror təşkilatlarını maliyyələşdirməkdə ittiham olunaraq 11 il müddətinə azadlıqdan məhrum edilib.

 

Miri