Rusiyanın xarici işlər naziri Sergey Ryabkov bildirib ki, Rusiya Federasiyası “ABŞ-ın Almaniya ərazisində uzaqmənzilli raketlərin yerləşdirilməsinə cavab olaraq nüvə silahı ilə təchiz edilmiş raketlərin yerləşdirilməsini istisna etmir”.

Oxu24.com xəbər verir ki, onun sözlərinə görə, Moskva “ən məqsədəuyğun hesab etdiyi şəkildə reaksiya verəcək”.

“Əgər Almaniya Federal Hökumətinin nümayəndələri bu regionda (Kalininqrad vilayəti) əlimizdə olanları bəhanə edərək hansısa eskalasiya tədbirlərinə başlamağı haqlı hesab etsələr, o zaman biz hesab etdiyimiz şəkildə kompensasiya tədbirləri ilə bağlı reaksiya verəcəyik”, - deyə  Ryabkov jurnalistlərə bildirib.

“Rusiya NATO ölkələrinin birgə imkanlarını və daxili yoxlamaları nəzərə alaraq bir neçə mümkün cavab variantını nəzərdən keçirməlidir”, - Ryabkov əlavə edib.

“Bu, heç kimə qarşı təhdid deyil. Bu, dəyişən çağırışlara cavab vermək üçün ən effektiv, o cümlədən xərc baxımından alqoritmi tapmaq üçün bir yoldur”,-deyə o fikrini yekunlaşdırıb.

Nigar