Şolz Ukraynada atəşkəsə qarşı çıxıb

Ukraynada hazırkı reallıqlara əsaslanan, danışıqlar və yol xəritəsi olmadan atəşkəs dondurulmuş münaqişəyə gətirib çıxaracaq.

 

Oxu24.com xəbər verir  ki,bu fikirləri Almaniya kansleri Olaf Şolz İsveçrə konfransında çıxışı zamanı deyib.

 

"Ciddi danışıqlar olmadan və ədalətli sülhə yönəlmiş yol xəritəsi olmadan, yalnız yeni reallıqlara əsaslanan atəşkəs yalnız Rusiya Federasiyasının hərəkətlərini qanuniləşdirəcək",-deyə o bildirib.

 

Scholz bildirib ki, atəşkəs qərarı son nəticədə “daha ​​bir dondurulmuş münaqişəyə” gətirib çıxaracaq.

 

Bundan əvvəl Scholz yenidən Rusiya prezidenti Vladimir Putinlə təmasların mümkünlüyünü istisna etmədiyini, lakin belə danışıqların məna kəsb etməli olduğunu qeyd edib.

 

O, həmçinin bəyan edib ki, Ukrayna ilə bağlı gələcək konfranslara Rusiya dəvət edilməlidir, İsveçrədə konfransın keçirilməsində məqsəd bunun əsasını qoymaqdır. Scholz qeyd edib ki, indi gələcək təmaslar üçün “təməl qoymaq” lazımdır.

 

Afət