İsveçin xarici işlər naziri Tobias Billström bildirib ki, Rusiya təyyarəsinin ölkənin hava məkanını guya pozması ilə bağlı krallığın ittihamlarından sonra Stokholm Rusiya səfiri Viktor Tatarintsevi çağırmaq niyyətindədir.

Oxu24.com xəbər verir  ki,bu barədə SVT məlumat yayıb.

Billström Rusiyanın hərəkətlərinin qəbuledilməz olduğunu və İsveç Xarici İşlər Nazirliyinin “bu hadisəni vurğulamaq üçün” səfirliklə əlaqə saxlayacağını bildirib.

“Bizə yaxın olan hadisələrlə bağlı müttəfiqlər və tərəfdaşlarla sıx əlaqə saxlayırıq”, - İsveç Xarici İşlər Nazirliyinin rəhbəri bildirib.

Bundan əvvəl İsveç Silahlı Qüvvələri bəyan etmişdi ki, guya Rusiya təyyarəsi ölkənin hava məkanını pozub. İsveç agentliyinin məlumatına görə, Rusiya təyyarəsi Qotland adasının şərqinə doğru uçub. Təyyarə İsveç hava komandanlığının çağırışlarına baxmayaraq, öz marşrutundan yayınmaqda günahlandırılıb. Bununla belə, Rusiya təyyarəsinin İsveç hava məkanında olması iddiasının qısa müddətli olduğu bildirilir. Ölkənin müdafiə naziri Pol Conson vəziyyətlə bağlı məlumatlandırılıb.

Bundan əvvəl XİN Şimali Avropanın gərginlik zonasına çevrilməsi risklərini açıqlamışdı.

Nigar