"Rusiya bizi aldatdı"-Simonyan

Ermənistan parlamentinin spikeri Alen Simonyan bildirib ki, ölkədə yeni hökumətin formalaşdırılması üçün müxalifət və Rusiya tandemdə işləyir, bu, heç kimə sirr deyil.

Oxu24.com erməni mediasına istinadən xəbər verir ki, Simonyan Ermənistanın hər tərəfdən zərbələr aldığını deyib.

"Bu gün bütün elita, oliqarxiya, kilsə, Daşnaksütyun bizə qarşı çıxıb. Bizi yalnız Ermənistan xalqı dəstəkləyir. Siz də bilirsiniz ki, biz xalq tərəfindən dəstəklənirik”, - deyə Simonyan bildirib.

Simonyan həmçinin Rusiya tərəfindən aldadıldıqlarını vurğulayıb:

“Rusiya hakimiyyəti Ermənistanı və erməni xalqını atdı, bizi aldatdı. Rusiyaya məsləhət görərdim ki, 2020-ci ildən sonrakı hərəkətlərinə baxsın. Ermənistan özünü həmişə sadiq tərəfdaş kimi aparıb. Ermənistan uşaq sadəlövhlüyü ilə inanıb və ümid edib ki, Rusiyanın onu tək qoymayacaq, onu tərk etməyəcək”.

Mənbə: News.am

Yeganə