Hollandiya özünü Rusiyadan müdafiə edir

Hollandiya hökuməti Şimal dənizində təhlükəsizliyin yaxşılaşdırılması üçün növbəti iki il ərzində 41 milyon avrodan çox vəsait ayıracaq. Vəsaitlər infrastrukturun mühafizəsini gücləndirmək üçün müxtəlif tədbirlər üçün istifadə olunacaq.

 

Oxu24.com xəbər verir  ki,  bu barədə  Hollandiya hakimiyyətinin bəyanatında deyilir.

Planlar müxtəlif sensorların quraşdırılmasını və radarların və peyklərin istifadəsinin artırılmasını nəzərdə tutur.

 

Maraqlı tərəflərlə böyük həcmli məlumatların sürətli mübadiləsinə imkan verən sistemlər də yaradılacaq.

 

"Hökumət buna görə də Şimal dənizi və orada baş verənlər barədə məlumatlılığını artırmaq, dövlət subyektlərinin orada gizli əməliyyatlar keçirməsini çətinləşdirmək istəyir", - hesabatda deyilir.

 

Bundan əlavə, görülən tədbirlər hakimiyyət orqanlarına gözlənilməz vəziyyətlərə daha tez reaksiya verməyə imkan verməlidir.

 

Əvvəllər Hollandiya kəşfiyyat xidmətləri Rusiyanın gələcəkdə mümkün təxribat məqsədi ilə Şimal dənizində infrastrukturun, o cümlədən qaz kəmərləri, elektrik kabelləri və məlumat kabellərinin yerləşdiyi yerin xəritəsini tərtib etdiyi barədə iddialar irəli sürmüşdü.

 

Nigar