ABŞ İsrailin iştirakı olmadan girovlarla bağlı danışıqlara İCAZƏ VERDİ

ABŞ Fələstinin HƏMAS radikal hərəkatı ilə danışıqlar prosesində İsrailin iştirakı olmadan girovların azad edilməsinə dair razılaşmanı müzakirə edə bilər.

Oxu24.com xarici mediaya istinadən xəbər verir ki, iki hazırkı və iki keçmiş yüksək rütbəli ABŞ rəsmisinin sözlərinə görə, ABŞ prezidenti Co Bayden administrasiyasının rəsmiləri HƏMAS ilə birtərəfli razılaşmanın mümkünlüyünü müzakirə ediblər.

Bildirilib ki, razılaşmanın məqsədi HƏMAS tərəfindən girov saxlanılan 5 ABŞ vətəndaşının azad edilməsi olacaq. Birləşmiş Ştatlar İsrailin iştirakı ilə hazırkı atəşkəs danışıqları uğursuzluqla nəticələnərsə belə müzakirələrin başlanmasına icazə verib.

Başqa məlumata görə, Qətər ABŞ və HƏMAS arasında danışıqlarda vasitəçi ola bilər.

Eyni zamanda ABŞ rəhbərliyi belə bir razılaşmanın ABŞ-İsrail münasibətlərində gərginliyi artıracağından ehtiyat edir. Buna baxmayaraq, ABŞ rəsmiləri belə bir razılaşmanı İsraili HƏMAS ilə barışıq əldə etməyə təşviq etmək üçün bir yol kimi görürlər.

Ağ Ev bu məlumatı şərh etməyib.

Xatırladaq ki, daha əvvəl “The Wall Street Journal” yazmışdı ki, Misir və Qətər Bayden administrasiyasının göstərişi ilə İsraillə razılaşma üçün HƏMAS liderlərinə təzyiq edib.

Mənbə: Nbc.com

Yeganə