Şolzun partiyası Avropa Parlamentinə seçkilərdə tarixin ən pis nəticəsini göstərib

Almaniyada Avropa Parlamentinə keçirilən seçkilərdə səslərin hesablanması başa çatıb, nəticəyə əsasən müxalifət bloku CDU/CSU qalib gəlib, Almaniya üçün Alternativ ikinci yeri tutub, Olaf Şolzun SPD partiyası isə ən pis nəticəni göstərib. 

 

Oxu24.com xəbər verir ki,bu barədə “Bild in Russian” Telegram kanalı yazır.

 

“Avropa seçkiləri CDU/CSU üçün 30% nəticə ilə başa çatıb. AfD 15,9% ilə tamamladı. Kansler Olaf Şolzun partiyası 13,9% səs toplayaraq tarixin ən pis nəticəsini göstərib. Yaşıllar 11,9%-ə, FDP isə 5,2%-ə düşüb.

 

Həmçinin qeyd olunur ki, yeni yaradılmış Sarah Vaqenknext Alyansı partiyası Avropa Parlamentinə keçirilən ilk seçkilərdə 6,2 faiz səs toplayıb. Sol partiyanın nəticəsi 2,7% olub.

 

Bild yazır ki, Almaniyada Avropa Parlamentinə seçkilərdə seçici fəallığı 64,8% təşkil edib.

 

Bundan əvvəl “France 24” telekanalının jurnalisti Nik Holdsvort demişdi ki, Almaniya Sosial Demokrat Partiyasının Avropa Parlamentinə keçirilən seçkilərin nəticələri siyasi birliyi təmsil edən Olaf Şolzun ölkəsində son dərəcə qeyri-populyar kansler olduğunu göstərdi.

 

Miri