Rusiyanın xarici işlər naziri Sergey Lavrov və çinli həmkarı Vanq Yi ilə Nijni Novqorodda BRİKS ölkələrinin xarici işlər nazirlərinin görüşü çərçivəsində danışıq aparıblar.

Oxu24.com xəbər verir ki, Lavrov görüşün əvvəlində qeyd edib ki, dünyada Rusiya və Çində həmfikirlərin dairəsi, BRİKS və Şanxay Əməkdaşlıq Təşkilatı ilə (ŞƏT) əməkdaşlıq etmək istəyənlərin dairəsi durmadan artır.

Vanq Yi Rusiya Federasiyası ilə Çin Xalq Respublikası (ÇXR) arasında əməkdaşlığın onların fundamental maraqlarına cavab verdiyini, heç bir xarici ölkəyə qarşı yönəlmədiyini və kənar müdaxiləyə məruz qalmadığını bildirib. Çinli nazirin sözlərinə görə, inkişaf etməkdə olan ölkələrin ümumi maraqlarını qorumaq üçün çoxtərəfli strukturlarda koordinasiyanı gücləndirmək vacibdir.

Qeyd edək ki, xarici işlər nazirlərinin görüşü keçən ilki BRİKS üzvlüyünün genişləndirilməsindən sonra ilk dəfə Nijni Novqorodda keçirilir. Lavrovun sədrliyi ilə keçirilən iclasda assosiasiyaya üzv dövlətlərin nümayəndələri ilə yanaşı, BRİKS-ə dost ölkələrin nümayəndələri də iştirak edir.

Mənbə: TASS.ru

Yeganə