Rusiyada tornadolar baş verə bilər

Rusiyada qlobal istiləşmə fonunda tornadoların daha tez-tez baş verməsi ehtimalı var.

 

Oxu24.com xəbər verir  ki,bu barədə RBC-yə müsahibə verən ekspertlər danışıblar.

 

Rusiya Elmlər Akademiyasının Coğrafiya İnstitutunun aparıcı elmi işçisi Mariya Ananiçevanın sözlərinə görə, tornadolar ölkənin Avropa və Asiya hissələrində daha tez-tez görünə bilər.

 

Ancaq bu, Uzaq Şərq və Sibir ərazilərinə aid deyil, çünki oradakı iqlim fərqlidir.

 

Eyni zamanda, mütəxəssislər Moskvada tornado ehtimalını istisna etmirlər, baxmayaraq ki, bu, nadir hadisədir. Ən ciddi tornado sonuncu dəfə 1904-cü ildə Moskvada qeydə alınıb.

 

Ananiçeva qeyd edib ki, may ayında anomal isti hava paytaxtda tornadoya səbəb ola bilərdi, lakin bu baş verməyib. Lakin Moskva vilayətində tornado ehtimalı bir qədər yüksəkdir.

 

Hələlik ekspertlər qeyd ediblər ki, son vaxtlar ölkədə tornado xəbərlərinin sayı artsa da, bu, belə hadisələrin daha tez-tez baş verməsi demək deyil.

 

Nigar