Dağıstanda 270-dən çox insan bağırsaq infeksiyası ilə bağlı həkimlərə müraciət edib

Dağıstanda yerli sakinlərin bağırsaq infeksiyası ilə bağlı tibb müəssisələrinə kütləvi müraciətləri qeydə alınıb.

 

Oxu24.com  xəbər verir ki, bu barədə Buynaksk administrasiyasının mətbuat katibi Arip Arimov məlumat yayıb.

 

Hadisə Buynakskda baş verib. 270-dən çox insan kəskin bağırsaq infeksiyası əlamətləri ilə tibb müəssisələrinə müraciət edib.

 

"Hazırda 30-dan çox insan xəstəxanaya yerləşdirilib, onlardan 21-i azyaşlıdır", - Arimov bildirib.

 

Hadisənin nədən baş verdiyi barədə heç bir məlumat yoxdur.

 

Nigar