İyunun 8-də güclü leysan Türkiyə paytaxtının müxtəlif rayonlarında nəqliyyatın hərəkətini iflic edib.

OXU24.COM xəbər verir ki, Ankaranın bir sıra məhəllələrində, xüsusilə Sincan rayonunda yeraltı keçidlər və metro stansiyalarının girişləri su altında qalıb.

Onlarla nəqliyyat vasitəsi su altında qalıb. Şəhər bələdiyyəsinin işçiləri ekskavatorlarla sürücülərə və sərnişinlərə kömək etmək üçün əraziyə gəliblər.

Ankaranın bir hissəsində yerüstü ictimai nəqliyyatın və metronun hərəkəti dayandırılıb, paytaxtın digər rayonlarında uzun tıxaclar yaranıb.

Təbii fəlakət nəticəsində zərərçəkənlər barədə hələlik məlumat verilməyib.