Vuçiç: “Ukraynadakı münaqişə dünyanı fəlakətə aparır”

Serbiya prezidenti Aleksandr Vuçiç bildirib ki, Rusiya Federasiyası ilə Qərb ölkələri arasında münaqişənin inkişaf etdiyi Ukrayna hadisələri yavaş-yavaş dünyanı fəlakətə sürükləyir.

Oxu24.com bu barədə Rusiya mediasına istinadən xəbər verir.

“Bizi təkcə serblərin mövqeyinə görə deyil, həm də dünyada baş verənlərə görə çətin günlər gözləyir ...”, - deyə Vuçiç ölkə rəhbərliyinin Serb Respublikası nümayəndələri ilə görüşündə çıxış edərkən bildirib.

Serbiya rəhbərinin sözlərinə görə, Avropa və ABŞ Rusiyanın qalib gəlməsinə imkan verə bilməz və ruslar da öz növbəsində uduzmağa cəsarət etməməlidirlər, əks halda torpaqlarını və hər şeyini itirəcəklər.

SVO işə başlayandan sonra Vuçiç bəyan edib ki, respublika Ukraynanın ərazi bütövlüyünü dəstəkləyir, lakin anti-Rusiya sanksiyaları tətbiq etməyi planlaşdırmır. Onun sözlərinə görə, Serbiya Rusiya Federasiyası və Ukraynanı qardaş dövlətlər hesab edir və Şərqi Avropada baş verən hadisələrdən təəssüflənir. Bu gün Belqradda Serbiyanın və Serb Respublikasının ali rəhbərliyinin iştirak etdiyi Ümumserb Şurası keçirilir.

Mənbə: TASS.ru

Yeganə