Fransada olan ABŞ prezidenti Co Baydenlə Ukrayna prezidenti Volodimir Zelenski paytaxt Parisdə Normandiya enişinin 80-ci ildönümü münasibətilə bir araya gəlib.

Oxu24.com bu barədə xarici mediaya istinadən xəbər verir.

Zelenskiyə "yanındayıq" mesajını verən Bayden, Ukraynaya 225 milyon dollarlıq yeni yardım paketini açıqlayıb. Digər tərəfdən, Bayden aprel ayında imzaladığı ABŞ Konqresində Ukraynaya 61 milyard dollarlıq hərbi dəstək nəzərdə tutan yardım paketinin qəbulunun aylarla gecikməsinə görə Zelenskidən üzr istəyib.

Zelenski isə ABŞ-ın Ukraynaya çiyin-çiyinə dəstəyi davam etdirəcəyinə inandığını təkrarlayıb. Ukraynaya təxminən 6 aylıq yeni hərbi dəstək səylərindən sonra Bayden aprelin 24-də Ukraynaya 61 milyard, İsrailə isə 26 milyard dollar yardım nəzərdə tutan paketi imzaladı. ABŞ Konqresindəki siyasi fikir ayrılıqları səbəbindən Ukraynaya verilməsi planlaşdırılan 61 milyard dollarlıq hərbi dəstək paketində gecikmə yaranıb.

Yeganə