İyunun 15-16-da Bürgenstokda Ukrayna üzrə keçiriləcək beynəlxalq konfransın nəticəsi olaraq sülh sazişi imzalanmayacaq: bunun üçün hər iki tərəf danışıqlar masasında iştirak etməlidir.

Oxu24.com xəbər verir  ki, bu barədə İsveçrə prezidenti Viola Amherd Frankfurter Allgemeine Zeitung qəzetinə müsahibəsində bildirib.

“Bu konfransla biz bir dialoq platforması yaratmaq istəyirik ki, burada ilk addım olaraq Ukraynada sülhün necə əldə oluna biləcəyini müzakirə edəcəyik. Sülh üçün hər iki tərəf danışıqlar masası arxasında olmalıdır”, - deyə o bildirib və əlavə edib ki, indi mümkünsüz görünür.

İsveçrə prezidentinin sözlərinə görə, Rusiya “sonrakı mümkün konfransda da iştirak edə bilər”.

Amherd eyni zamanda qeyd edib ki, bu tədbir “sülh konfransı” deyil, “Ukraynada sülhə dair konfrans”dır.

“Biz etimad yaratmaq və gələcəkdə mülki əhali, sonra isə dünya üçün vacib olan bu məsələlərdə həll yollarını tapmaq istəyirik” deyə o, konfransın sülhlə bağlı olmayacağı ilə bağlı sualı cavablandırıb. 

Nigar