Şoyqu İran Təhlükəsizlik Şurasının katibi ilə danışıqlar aparıb

İranın dövlət televiziyası IRIB xəbər verir ki, Rusiya Təhlükəsizlik Şurasının katibi Sergey Şoyqu İranın Ali Milli Təhlükəsizlik Şurasının katibi Əli Əhmədian ilə danışıqlar aparıb.

 

Oxu24.com xəbər verir  ki, Şoyqu telefon danışığı zamanı İran prezidenti İbrahim Rəisinin və digər iranlı siyasətçilərin helikopter qəzasında həlak olması ilə bağlı Təhlükəsizlik Şurasının rəhbərinə başsağlığı verib.

 

Bundan əlavə, Rusiya Təhlükəsizlik Şurasının rəhbəri bəyan edib ki, Moskva və Tehran müxtəlif sahələrdə əməkdaşlığı yüksək səviyyədə davam etdirəcək.

 

“Ali Milli Təhlükəsizlik Şurasının katibi Sergey Şoyqu ilə telefon danışığında iki ölkə arasında müxtəlif sahələrdə əməkdaşlığın ən yüksək səviyyədə davam etdirilməsi vurğulanıb”, - IRIB Telegram kanalında yazıb.

 

Qeyd olunur ki, Əli Əhmədian söhbət zamanı Şoyqunu Tehrana səfərə dəvət edib.

 

Miri