Le Parisien-in mayın 28-də Polşa Müdafiə Nazirliyinə istinadən verdiyi məlumata görə, Polşa hakimiyyəti Rusiyada mümkün münaqişə təhlükəsi fonunda müdafiə qabiliyyətini artırmaq məqsədilə ABŞ-dan 677 milyon avro dəyərində qanadlı raketlər alacaq.

Oxu24.com xəbər verir  ki,müqavilə mayın 28-də imzalanmalıdır.

Polşa hərbçilərinin fikrincə, 2026-2030-cu illərdə Varşava AGM-158 JASSM-ER raketlərini almalıdır. Onlar hava-yer sinfinə aiddir və min kilometrə qədər məsafədəki hədəfləri vura bilirlər.

Hazırda Polşa ordusu uçuş məsafəsi 370 kilometrə çatan JASSM raketləri ilə silahlanıb.

Bu sursat ABŞ istehsalı olan F-16 çoxməqsədli döyüş təyyarələrində istifadə olunur.

Qəzetin yazdığına görə, uzaqmənzilli raketlərin alınması üçün yeni müqavilə Ukraynadakı münaqişə fonunda sürəti artan respublika ordusunun modernləşdirilməsi çərçivəsində həyata keçirilir.

Rusiya ilə mümkün münaqişə qorxusu Polşa hakimiyyətini müdafiə büdcəsini ÜDM-in 4%-nə qədər artırmağa məcbur etdi ki, bu da bütün NATO-ya üzv ölkələr arasında ən yüksək göstəricidir.

Miri