Ərdoğan İspaniyanın baş naziri ilə danışdı

Ərdoğan İspaniyanın baş naziri Sançeslə telefon danışığı aparıb.

 

Oxu24.com xəbər verir ki, Türkiyə Rabitə Müdirliyindən verilən məlumata görə, prezident Rəcəb Tayyib Ərdoğan İspaniyanın Baş naziri Pedro Sançes ilə telefon danışığı aparıb.

 

Danışıqda  Türkiyə ilə İspaniya münasibətləri, regional və qlobal problemlər, İsrailin Qəzzaya hücumları müzakirə edilib.

 

Prezident Ərdoğan görüşdə İsrailin Fələstinə qarşı törətdiyi qətliamların bir an əvvəl dayandırılması və İsrailin beynəlxalq hüquq normalarına əməl etməyə məcbur edilməsi lazım olduğunu bildirib.

 

Prezident Ərdoğan İspaniyanın Fələstini dövlət olaraq tanıması qərarını təqdir etdiyini və bu addımın həm bölgədə sülhün və ədalətin bərqərar olmasını gücləndirəcəyinə, həm də iki dövlətli həll səylərini gücləndirəcəyinə inandığını bildirib.

 

Nigar