Yaponiya raket buraxılışına görə Şimali Koreyaya etiraz edib

Yaponiya Nazirlər Kabinetinin baş katibi Yoşimasa Hayaşi bildirib ki, Yaponiya hökuməti raket buraxılışından sonra Şimali Koreyaya etiraz edib.

 

Oxu24.com xəbər  verir  ki, bu barədə RİA Novosti məlumat yayıb.

 

“Biz inanırıq ki, Şimali Koreya peyk buraxmaq üçün ballistik texnologiyadan istifadə edərək raket buraxılışı həyata keçirib. Bu, təkcə ölkəmizin deyil, həm də regionun təhlükəsizliyinə təhdiddir və BMT Təhlükəsizlik Şurasının qətnamələrinin müddəalarını pozur”, - deyə Hayaşi bildirib.

 

Qeyd olunur ki, etiraz Çində diplomatik kanallar vasitəsilə elan edilib.

 

Eyni zamanda Hayaşi əlavə edib ki, KXDR kosmosa peyk buraxmağa cəhd edib, lakin bu cəhd uğursuz alınıb.

 

Bundan əvvəl bildirilmişdi ki, KXDR-in raket buraxılışından sonra Yaponiyanın Okinava sakinləri üçün təxliyə xəbərdarlığı ləğv edilib.

 

Yaponiyanın J-Alert fövqəladə xəbərdarlıq sisteminə görə, raket Yaponiya üzərində uçmayacaq.

 

Mayın 27-də günortadan sonra Yaponiya Sahil Mühafizəsi Şimali Koreyadan naməlum obyektin buraxılışını qeydə alıb və onun ballistik raket ola biləcəyini ehtimal edir.

 

Okinavanın cənub prefekturasının sakinlərindən binalara və ya yerin altına sığınmaq istənilib. Su bölgəsindəki gəmilərə mərmi dənizə düşəcəyi təqdirdə raket qalıqlarına yaxınlaşmamaq əmri verilib.

 

Nigar