KXDR “Mulligyong-1” kəşfiyyat peykini Yerin aşağı orbitinə çıxara bilməyib.

 

Oxu24.com xəbər verir  ki,bu barədə Koreya Mərkəzi Teleqraf Agentliyi (KCNA) respublikanın Kosmik Administrasiyasına istinadən məlumat yayıb.

 

Raket mayın 27-də Sohae peyk buraxılış mərkəzindən buraxılıb.

 

Birinci mərhələnin istismarı zamanı peyklə birlikdə uçuş mərhələsində partladığı bildirilir.

 

Bundan əvvəl Şimali Koreya Yaponiyaya mayın 27-dən iyunun 4-dək peyk buraxmaq niyyəti barədə məlumat vermişdi.

 

Peyklə birlikdə buraxılış aparatının uçuş yolu Şərqi Çin dənizi və Filippinin Luzon adası üzərindən keçməli idi.

 

Şimali Koreyalı ekspertlər raket pillələrinin düşəcəyi ərazilərin Yaponiyanın müstəsna iqtisadi zonasından kənarda olacağını hesablayıblar.

 

Yaponiyanın Okinava adasının sakinləri Şimali Koreyanın raket atmasından sonra sığınmağa çağırılıb.

 

Yaponiyanın J-Alert fövqəladə xəbərdarlıq sistemi raketin trayektoriyasını hesablamış və onun Yaponiya üzərindən uçmayacağını müəyyən etdiyi üçün evakuasiya xəbərdarlığı sonradan ləğv edilib.

 

Bundan əvvəl Şimali Koreyanın raketinin Çinlə sərhəddə səmada partlaya biləcəyi bildirilirdi.

 

Nigar

 

Oxu24.com