Gürcüstan Ukraynaya hərbi personal göndərməyə çağırılıb

Gürcüstan parlamentinin spikeri Şalva Papuaşvili bildirib ki, bəzi ölkələr bağlı qapılar arxasında dövləti öz ordusunu Ukraynaya göndərməyə çağırıb.

 

Oxu24.com xəbər verir  ki, bu barədə TASS məlumat yayıb.

 

“Kimsə hansısa ölkədən Ukraynaya hərbi personal göndərməyi tələb edibmi? Ya öz vətəndaşları, ya Ukrayna, ya da başqası? Bunlar həm Gürcüstana açıq çağırışlar idi, həm də bağlı qapılar arxasında bəzi dostlar və düşmənlər bizi buna sövq edirdilər ki, Gürcüstan hakimiyyəti Ukraynaya döyüşçülər göndərsin, bu da birbaşa müharibə demək idi”, - Papuaşvili bildirib.

 

Bundan əvvəl hakim “Gürcü arzusu - Demokratik Gürcüstan” partiyası Qərbin təzyiqlərinə baxmayaraq, ölkə hakimiyyətinin Rusiyaya qarşı sanksiyalar tətbiq etməmək barədə əvvəlki qərarının balansını qeyd edib.

 

Gürcüstan parlamentinin üzvü İrakli Zarkuanın vurğuladığı kimi, ilk növbədə öz xalqının maraqlarını düşünmək lazımdır.

 

“Gürcü Arzusu”nun parlamentə təqdim etdiyi “Xarici agentlər haqqında” qanun layihəsi maliyyələrinin 20%-dən çoxunu xaricdən alan qeyri-hökumət təşkilatlarını və KİV-ləri “xarici dövlətin maraqlarını təbliğ edən təşkilat” kimi qeydiyyatdan keçirməyə məcbur edir.

 

Bundan əlavə, belə QHT və KİV-lərdən hər il Maliyyə Nazirliyinə gəlir və xərc bəyannaməsi təqdim etmələri tələb olunacaq.

 

Nigar