Litvanın Baş Seçki Komissiyasının məlumatına görə, prezident seçkilərinin ikinci turunda Litvanın hazırkı prezidenti Gitanas Nauseda 79,34% səslə, ikinci namizəd baş nazir İnqrida Simonite isə 20,66% səslə liderdir. 

Oxu24.com xəbər verir  ki,rəsmi nəticələr daha sonra açıqlanacaq, lakin Simonyte artıq məğlubiyyətini etiraf edib. "Mən Litvanın seçilmiş prezidentini təbrik etmək istəyirəm",-deyə o bildirib.

Nausėda da artıq öz qələbəsini elan edib. "Onlar (Litva xalqı) mənə böyük etimad mandatı verdilər və mən çox yaxşı başa düşürəm ki, bu etimadı dəyərləndirməliyəm",-deyə o qeyd edib.

Litva parlament ölkəsidir, lakin ölkə prezidenti xarici və daxili siyasətə təsir edə bilər. Bundan əlavə, o, Nazirlər Kabinetinin tərkibini təsdiq edir. 60 yaşlı Gitanas Nauseda 2019-cu ilin iyulundan ölkəyə rəhbərlik edir. O, əvvəlki seçkilərdə olduğu kimi bu seçkidə də müstəqil namizəd kimi çıxış edib.

Litvada prezident seçkilərinin birinci turu mayın 13-də başa çatıb - o zaman siyasətçilərin heç biri 50%-dən çox səs toplaya bilməyib. Nauseda 45,64%, Simonyte 17,27% səs toplayıb.

Üçüncü yeri 12,49% səslə vəkil İqnas Vegele tutub və nəticədə prezidentlik yarışını tərk edib.

Miri